.png "UPSC IES/ISS 2026 தேர்வு: 44 காலியிடங்கள்")
பொருளாதாரம் மற்றும் புள்ளியியல் துறையில் உயர்கல்வி முடித்த மாணவர்களுக்கு தேசிய மட்டத்தில் பணியாற்றும் முக்கிய வாய்ப்பாக UPSC நடத்தும் இந்திய பொருளாதார சேவை (IES) மற்றும் இந்திய புள்ளியியல் சேவை (ISS) தேர்வு விளங்குகிறது. 2026ஆம் ஆண்டிற்கான அறிவிப்பு வெளியாகி, தற்போது ஆன்லைன் விண்ணப்பம் பெறப்பட்டு வருகிறது.
இந்த ஆண்டு இந்திய பொருளாதார சேவையில் 16 காலியிடங்களும், இந்திய புள்ளியியல் சேவையில் 28 காலியிடங்களும் நிரப்பப்பட உள்ளன. மொத்தம் 44 பணியிடங்கள் அறிவிக்கப்பட்டுள்ளன. இதில் மாற்றுத்திறனாளிகளுக்கும் ஒதுக்கீடு வழங்கப்பட்டுள்ளது.
வயது வரம்பு
2026 ஆகஸ்ட் 1 தேதியின்படி குறைந்தது 21 வயதும், அதிகபட்சம் 30 வயதிற்குள் இருக்க வேண்டும். ஒதுக்கீடு பிரிவுகளுக்கு வயது தளர்வு வழங்கப்படும்.
கல்வித்தகுதி
IES: பொருளாதாரம் / பயன்பாட்டு பொருளாதாரம் / வணிக பொருளாதாரம் / பொருளாதார அளவீடுகள் ஆகிய துறைகளில் முதுகலை பட்டம்.
ISS: புள்ளியியல் / கணித புள்ளியியல் / பயன்பாட்டு புள்ளியியல் துறைகளில் இளங்கலை அல்லது முதுகலை பட்டம்.
தேர்வு முறை
தேர்வு இரண்டு கட்டங்களாக நடைபெறும்:
எழுத்துத் தேர்வு – 6 தாள்கள், மொத்தம் 1000 மதிப்பெண்கள்
வாய்மொழி (வைவா) – 200 மதிப்பெண்கள்
எழுத்துத் தேர்வில் தேர்ச்சி பெறுபவர்கள் மட்டுமே வைவாவிற்கு அழைக்கப்படுவார்கள். இறுதி தேர்வு பட்டியல் மொத்த மதிப்பெண்களின் அடிப்படையில் தயாரிக்கப்படும்.
விண்ணப்பிக்கும் முறை
விண்ணப்பம் முழுவதும் ஆன்லைன் மூலம் மட்டுமே ஏற்கப்படுகிறது.
அதிகாரப்பூர்வ இணையதளங்கள்:
https://www.upsc.gov.in
https://upsconline.nic.in
விண்ணப்பக் கட்டணம் ரூ.200. பெண்கள், எஸ்சி, எஸ்டி மற்றும் மாற்றுத்திறனாளிகளுக்கு கட்டணம் கிடையாது.
முக்கிய தேதிகள்
அறிவிப்பு வெளியீடு: பிப்ரவரி 11
விண்ணப்பிக்க கடைசி நாள்: மார்ச் 3 (மாலை 6 மணி வரை)
தேர்வு தேதி: ஜூன் 19 முதல் 3 நாட்கள்
விண்ணப்பத்தை சமர்ப்பித்த பிறகு திரும்பப் பெற முடியாது என்பதால், அனைத்து விவரங்களையும் சரிபார்த்து விண்ணப்பிக்க வேண்டும்.
பொருளாதார மற்றும் புள்ளியியல் துறையில் ஆராய்ச்சி, கொள்கை வடிவமைப்பு, தேசிய தரவு பகுப்பாய்வு போன்ற துறைகளில் பணியாற்ற விரும்பும் இளைஞர்களுக்கு இந்த தேர்வு ஒரு சிறந்த வாய்ப்பாக அமைகிறது.