தொழில்நுட்ப கல்வி முடித்த இளைஞர்களுக்கு ரயில்வே துறையில் பயிற்சி பெறுவது முக்கியமான வாய்ப்பாகும். குறிப்பாக ITI முடித்தவர்களுக்கு அரசு துறையில் அனுபவம் சேர்க்கும் வகையில் பெரிய அளவிலான ஆட்சேர்ப்புகள் அவ்வப்போது அறிவிக்கப்படுகின்றன. இந்த நிலையில், மேற்கு ரயில்வே பயிற்சியாளர் பிரிவில் ஆயிரக்கணக்கான பணியிடங்கள் நிரப்பப்பட உள்ளதாக அறிவிக்கப்பட்டுள்ளது.
Western Railway கீழ் செயல்படும் ரயில்வே ஆட்சேர்ப்பு பிரிவு, மொத்தம் 5,349 ITI பயிற்சியாளர் பணியிடங்களை நிரப்ப உள்ளது. இந்த ஆட்சேர்ப்பு ஒப்பந்த அடிப்படையில் ஒரு ஆண்டு பயிற்சிக்காக மேற்கொள்ளப்படுகிறது.
Fitter, Electrician, Welder, PASAA, Electronic Mechanic, Diesel Mechanic, Painter, Carpenter, Refrigeration & AC Mechanic, Plumber, Wireman, Draftsman (Civil), Turner, Stenographer உள்ளிட்ட பல்வேறு தொழில்களில் காலிப்பணியிடங்கள் அறிவிக்கப்பட்டுள்ளன. இதில் Fitter மற்றும் Electrician துறைகளில் அதிக இடங்கள் ஒதுக்கப்பட்டுள்ளன.
விண்ணப்பிக்க விரும்புவோர் 10ம் வகுப்பு தேர்வில் குறைந்தது 50% மதிப்பெண்களுடன் தேர்ச்சி பெற்றிருக்க வேண்டும். அதேசமயம், தொடர்புடைய தொழிலில் ITI சான்றிதழ் பெற்றிருக்க வேண்டும்.
விண்ணப்பதாரர்களின் குறைந்தபட்ச வயது 15 மற்றும் அதிகபட்ச வயது 24 ஆக நிர்ணயிக்கப்பட்டுள்ளது. எஸ்சி/எஸ்டி பிரிவினருக்கு 5 ஆண்டுகள், ஒபிசி பிரிவினருக்கு 3 ஆண்டுகள் மற்றும் மாற்றுத்திறனாளிகளுக்கு 10 ஆண்டுகள் வரை வயது தளர்வு வழங்கப்படும்.
பயிற்சிக் காலத்தில் தேர்வானவர்கள் ரயில்வே விதிமுறைகளின்படி நிர்ணயிக்கப்பட்ட உதவித்தொகை பெறுவார்கள். எழுத்துத் தேர்வு அல்லது நேர்முகத் தேர்வு இல்லாமல், 10ம் வகுப்பு மற்றும் ITI மதிப்பெண்களின் சராசரியை அடிப்படையாகக் கொண்டு தரவரிசை பட்டியல் தயாரிக்கப்படும்.
இரண்டு அல்லது அதற்கு மேற்பட்டோர் சம மதிப்பெண் பெற்றால், வயதில் மூத்தவருக்கு முன்னுரிமை வழங்கப்படும்.
Important Links
| Link Name | URL |
| Official Notification PDF | Click here |
ஆன்லைன் விண்ணப்ப பதிவு தொடங்கியுள்ளது. விண்ணப்பங்களை மார்ச் 23, 2026க்குள் சமர்ப்பிக்க வேண்டும்.
தகுதியானவர்கள் அதிகாரப்பூர்வ இணையதளத்தில் சென்று விண்ணப்பப் படிவத்தை பூர்த்தி செய்து, தேவையான ஆவணங்களை பதிவேற்றம் செய்து, கட்டணத்தை ஆன்லைன் முறையில் செலுத்த வேண்டும்.
ITI முடித்த இளைஞர்களுக்கு ரயில்வே துறையில் பயிற்சி பெற்று தொழில்முறை அனுபவம் சேர்க்கும் இந்த வாய்ப்பை பயன்படுத்திக் கொள்ளலாம்.