ஈரோடு மாவட்டத்தில் கிராமப்புற வாழ்வாதார மேம்பாட்டு பணிகளில் ஈடுபட விரும்பும் பட்டதாரிகளுக்கு புதிய வேலைவாய்ப்பு அறிவிப்பு வெளியாகியுள்ளது. தமிழ்நாடு மாநில ஊரக வாழ்வாதார இயக்கத்தின் கீழ் செயல்படும் மாவட்ட மற்றும் வட்டார மிஷன் மேலாண்மை அமைப்புகளில் Block Coordinator பணியிடங்கள் நிரப்பப்படுகின்றன.
மொத்தம் 23 காலியிடங்கள் நிரப்பப்பட உள்ளன. இந்த பணியிடங்கள் ஒப்பந்த அடிப்படையில், அவுட்சோர்சிங் முறையில் நியமிக்கப்படவுள்ளன. தேர்வு செய்யப்பட்டவர்கள் குறைந்தபட்சம் ஐந்து ஆண்டுகள் பணியாற்ற வேண்டும் என நிபந்தனை குறிப்பிடப்பட்டுள்ளது.
காலியிடங்கள் – வட்டார வாரியாக
ஈரோடு மாவட்டத்தின் பல வட்டாரங்களில் காலியிடங்கள் உள்ளன. அந்தியூர், அம்மாபேட்டை, பவானி, சத்தியமங்கலம், கொடுமுடி, கோபிச்செட்டிப்பாளையம், பெருந்துறை, மொடக்குறிச்சி, தளவாடி, சென்னிமலை உள்ளிட்ட பகுதிகளில் காலியிடங்கள் அறிவிக்கப்பட்டுள்ளன. மொத்தமாக 23 பணியிடங்கள் நிரப்பப்பட உள்ளன.
கல்வித் தகுதி
ஏதேனும் ஒரு பட்டப்படிப்பு (Degree)
MS-Office பயன்பாட்டில் குறைந்தது 3 மாத சான்றிதழ்
அல்லதுகணினி அறிவியல் / கணினி பயன்பாடு (Computer Science / Computer Applications) பட்டம்
அனுபவம்
கிராம மட்ட சுயஉதவி குழுக்களுடன் (SHG) குறைந்தது 5 ஆண்டுகள் பணியாற்றிய அனுபவம் அவசியம். இந்தப் பணியிடம் தற்காலிக ஒப்பந்த அடிப்படையில் இருப்பதால், முன்பு அரசு திட்டங்களில் பணியாற்றியவர்களின் சேவை விவரங்கள் கவனத்தில் கொள்ளப்படும்.
வயது வரம்பு
16.02.2026 நிலவரப்படி அதிகபட்ச வயது 30 ஆக இருக்க வேண்டும். வயது தளர்வு குறித்த விவரங்கள் அறிவிப்பில் குறிப்பிடப்படவில்லை.
தேர்வு நடைமுறை
மாவட்ட தேர்வு குழு விண்ணப்பங்களை ஆய்வு செய்து, கல்வித் தகுதி மற்றும் அனுபவத்தின் அடிப்படையில் நேர்முகத் தேர்வு நடத்தும். இறுதி முடிவு மாவட்ட ஆட்சியரின் தீர்மானப்படி இருக்கும்.
முக்கிய நிபந்தனைகள்
விண்ணப்பிக்கும் வட்டாரத்தைச் சேர்ந்த குடியிருப்பாளராக இருக்க வேண்டும்
செல்லுபடியாகும் இருசக்கர வாகன ஓட்டுநர் உரிமம் அவசியம்
நன்னடத்தைச் சான்றிதழ் வைத்திருக்க வேண்டும்
முன்பு அரசு திட்டங்களில் மோசடி அல்லது செயல்திறன் குறைபாடால் நீக்கப்பட்டவர்கள் தகுதி பெறமாட்டார்கள்
விண்ணப்பிக்கும் முறை
இந்த பணியிடங்களுக்கு ஆஃப்லைன் முறையில் மட்டுமே விண்ணப்பிக்க வேண்டும். விண்ணப்பங்களை அரசு வேலை நாட்களில் காலை 10.00 மணி முதல் மாலை 5.45 மணி வரை சமர்ப்பிக்க வேண்டும். கடைசி தேதி 16.02.2026.
விண்ணப்பங்களை கீழ்க்கண்ட முகவரிக்கு நேரில் சமர்ப்பிக்க வேண்டும்:
துணை இயக்குநர் / திட்ட ஒருங்கிணைப்பாளர்
தமிழ்நாடு மாநில ஊரக வாழ்வாதார இயக்கம்
மாவட்ட மிஷன் மேலாண்மை அலகு
புதூர் ஹவுசிங் போர்டு,
குமுதவள்ளி, ஈரோடு மாவட்டம்
முக்கிய இணைப்புகள்
அதிகாரப்பூர்வ இணையதளம்:
https://erode.nic.in
அறிவிப்பு PDF:
https://erode.nic.in/notice_category/recruitment
ஊரக வளர்ச்சி மற்றும் சுயஉதவி குழு செயல்பாடுகளில் அனுபவம் உள்ள இளைஞர்களுக்கு இந்த Block Coordinator பணியிடம் ஒரு சிறந்த வாய்ப்பாகும். தகுதியானவர்கள் காலக்கெடுவுக்கு முன் விண்ணப்பித்து பயன்பெறலாம்.